RSS - Myndasafn - Ýmsar myndir

Frímann Guðmundsson

Sun, 09 Aug 2026 15:47:57 +0000

Frímann Guðmundsson (1878-1926) var bróðir Pálma afa. Frímann og Margrét (1876-1956) kona hans, systir Steina á Hvannavöllum, bjuggu fyrst í Garðshorni 1905-1908 á móti Páma á meðan hann lá í berklum en þá fluttu þau í Hamar og þaðan í Efstaland þar sem Frímann lést 1926.

Bjarni afi, mamma og Friðgerður amma

Sun, 09 Aug 2026 13:49:34 +0000

Bjarni afi, mamma og Friðgerður amma

Wed, 03 Jun 2026 19:10:55 +0000

Myndin af þeim hjónum með elsta barnið er líklega tekin um 1918. Þau eignuðust 11 börn en aðeins 4 komust á legg. Mamma fæddist 1916 en síðan fæddust 5 börn sem dóu í eða skömmu eftir fæðingu áður en Jóna frænka fæddist 1921. Þá fæddust tveir skammlífir drengir áður en Jón Ólafur fæddist 1925 og Skarphéðinn 1927. Myndin er gerð með gervigreind sem gengur lengra í skáldskapnum en sú sem lagfærði hina myndina. Takið eftir stólarminum sem er horfinn og skóm mömmu sem hafa verið skáldaðir upp.

Skarphéðinsdætur í Bolungarvík

Sat, 19 Apr 2025 12:26:16 +0000

Frá vinstri: Friðgerður, Bergþóra, Karítas og Anna Skarphéðinsdætur. Bergþóra heldur á dóttur sinni og önnur er við hlið Karítasar. Fremstur er Grétar Svanberg Sigurjónsson sem ólst upp hjá Önnu, föðursystur sinni.

Þorsteinn H. Gunnarsson (1946-2026)

Thu, 10 Oct 2024 08:13:36 +0000

Steini var dóttursonur Karítasar Skarphéðinsdóttur, sonur Aðalheiðar. Við vorum bekkjarbræður á Reykjaskóla veturna 1962 - 1964 en vissum ekki að við værum þremenningar. Óvíst hverju það hefði breytt en það veit ég að móður minni hefði þótt gaman að vita af þessu.

Hallfríður Rósantsdóttir

Tue, 27 Oct 2020 10:14:30 +0000

Hallfríður Rósantsdóttir - Fríða á Hamri. Fríða flutti með foreldrum og systkinum frá Efstalandi í Hamar 1917 þegar Frímann og Margrét fluttu í Efstaland. Fríða og Þorleifur bjuggu siðan á Hamri til 1968 en þá dó Þorleifur. Fríða bjó eftir það hjá Sigurði Sigmarssyni fóstursyni þeirra á Akureyri en þau fóstruðu líka bróður hans Ingvar Hóseas (Hósa, 1927-1993). Hún dó 1988.

Þorleifur Rósantsson

Tue, 27 Oct 2020 10:14:30 +0000

Þorleifur Rósantsson (1895-1968) á Hamri - Lolli á Hamri kölluðu sumir hann, það var þó ekki gert í Garðshorni. Þorleifur var snjall hagyrðingur. Þorleifur tók við búi af foreldrum sínum um 1923 og bjó á Hamri til dauðadags.

Kýrnar í Garðshorni um 1940

Tue, 27 Oct 2020 09:34:24 +0000

Hér ræðir Helga Sigríður við kýrnar sínar. Torfþak er enn á fjósinu og þykkur moldarveggur milli þess og baðstofunnar sem stendur enn en búið að steypa upp vegg framan við hana.

Garðshorn um 1944

Tue, 27 Oct 2020 09:34:23 +0000

Fáar myndir eru til af Garðshorni að vetrarlagi.

Garðshorn í september 2018

Tue, 27 Oct 2020 09:34:22 +0000

Nú hefur bæst við reiðskemma norðan við gamla fjósið. Gamli bragginn stendur enn en hefur verið málaður.

Garðshorn um 1940. Símalínan úr Skagafirði til Akureyrar er sýnileg, óvíst hvenær hún var lögð.

Tue, 27 Oct 2020 09:34:22 +0000

Garðshorn um 1940

Tue, 27 Oct 2020 09:34:22 +0000

Líklega hefur Kristfinnur Guðjónsson tekið þessa mynd. Helga húsmóðir í Garðshorni frá 1899 til 1947 stendur fyrir dyrum.

Garðshorn 2005

Tue, 27 Oct 2020 09:34:21 +0000

Búið er að klæða íbúðarhúsið utan og byggja nýtt fjárhús og hlöðu.

Garðshorn fyrir eða um 1940

Tue, 27 Oct 2020 09:34:21 +0000

Húsið var byggt 1932 en fljótlega fóru að sjást skemmdir í múrhúð sunnan á húsinu. Þær sjást ekki hér þannig að myndin er tekin ekki löngu eftir að húsið var byggt.

Garðshorn 1938

Tue, 27 Oct 2020 09:34:20 +0000

Ekki sjást merki um að byrjað sé að byggja fjárhúshlöðuna sem var byggð 1939 en búið er að steypa upp fjóshlöðuna sem var byggð 1936.