RSS - Myndasafn - Myndir 1911 til 1942

Garðshorn um 1942

Sat, 03 Oct 2026 09:07:47 +0000

Sama mynd lituð af vitlíkinu. Ekki er vitað hvaða mannvirki er neðarlega vinstra megin. Lækjarfarvegum hægra megin var breytt um 1947 þegar rafstöðin var sett upp.

Garðshorn um 1937

Thu, 01 Oct 2026 17:35:19 +0000

Sama mynd vitlíkislituð. Búið að slétta nýrækt neðan við efsta og elsta framræsluskurðinn neðan við bæinn. Unnið við að grafa skurð sem ræsti fram mýri sunnan og neðan við bæinn, á skurðbakkanum var lengi heimreiðin. Fjárhús sjást utan og neðan við bæinn, kartöflu- og kálgarður norður af bænum. Fjárhústóttir á túni ofan við bæinn.

Ásta Frímannsdóttir

Sun, 09 Aug 2026 13:35:20 +0000

Ásta var yngsta dóttir Frímanns Guðmundssonar, hún átti heima á Húsavík á fullorðinsárum

arnbjorg-g-2-1.jpg

Sun, 09 Aug 2026 13:34:37 +0000

Arnbjörg Guðmundsdóttir

Garðshorn um 1937

Wed, 03 Jun 2026 18:52:18 +0000

Vitlíkismynd þar sem fyrri mynd hefur verið gerð skýrari, sumt til bóta en annað ekki.

Garðshorn 1954

Wed, 11 Mar 2026 16:20:17 +0000

Mynd úr myndasafni KEA. Hér eru seinni tíma Garðshyrningar farnir að kannast við sig. Hér er Farmall A í hlaði en ekki grænn Land-Rover eins og á sumum seinni tíma myndum.

Garðshorn um 1937

Wed, 11 Mar 2026 12:03:00 +0000

Þessi elsta ljósmynd af Garðshorni sýnir fjárhúsið utan og neðan við bæinn, fjárhúsið eða fjárhúshlaðan sjást ekki, byggð 1939. Uppi á túninu ofan við bæinn sjást útihúsarústir. Kálgarður norðan við bæinn er áberandi. Svo virðist sem bæjarlækurinn hafi framan af runnið niður túnið en hér er verið að grafa skurð til að veita honum suður fyrir tún. Fjósið framan við fjóshlöðuna er svipað og var fram undir 1960 eins og gamla baðstofan á milli íbúðarhússins og fjóssins.

Frímann Pálmason

Mon, 17 Nov 2025 22:39:16 +0000

Frímann Pálmason

Gunnar Valdemarsson

Sun, 15 Jun 2025 09:13:58 +0000

Myndin af Gunnari er líklega tekin í Fremrikotum þar sem hann bjó með konu og börnum til æviloka en þó ekki á árunum 1924 til 1935 þegar Pétur Valdemarsson bjó þar. Þau hjónin eru jarðsett á Bægisá því að honum fannst kirkjan á Miklabæ ljót og á Silfrastöðum "voru tómir andskotans framsóknarmenn".

Guðmundur Valdemarsson

Sun, 15 Jun 2025 09:13:58 +0000

Guðmundur bjó lengst í Bólu í Blönduhlíð, fyrst með foreldrum sínum en síðast var hann þar einn.

Fremrikot eða Fremri-Kot

Sun, 15 Jun 2025 09:12:35 +0000

Myndin er af bænum í Fremrikotum en ekki er vitað á hvaða tíma bærinn leit svona út.

Jóhanna Guðrún Pálmadóttir

Wed, 11 Jun 2025 13:52:48 +0000

Jóhanna hét í höfuðið á ömmu sinni, Jóhönnu Andrésdóttur frá Syðri-Bægisá, og móðursystur sinni, Þorgerði Guðrúnu Gunnarsdóttur sem fóstraði hana til fullorðinsaldurs eftir að faðir þeirra dó og móðir hennar hafði verið með hana um tíma hjá systkinum sínum á Syðri-Bægisá.

Steindór Guðmundur Pálmason

Wed, 11 Jun 2025 13:48:15 +0000

Steindór fæddist í Garðshorni og átti þar heima í 50 ár, skráður bóndi þar frá 1927 til 1947, en starfaði mikið sem smiður samhliða búskapnum. Síðustu starfsárin var hann húsvörður við Oddeyrarskóla á Akureyri. Steindór hét í höfuðið á ömmu sinni og afa, Steinunni og Guðmundi.

Gestir í Garðshorni

Sat, 19 Apr 2025 12:54:06 +0000

Hér hafa verið gestir í Garðshorni en flestir eru óþekktir. Heimilisfólkið er Steindór Pálmason lengst til vinstri, Jóhanna Guðrún Pálmadóttir (eldri) er þriðja frá vinstri og Helga Sigríður Gunnarsdóttir, móðir þeirra, er bak við vinstri öxl Jóhönnu.

Steini og kaupamaður

Tue, 27 Oct 2020 10:26:16 +0000

Steini og kaupamaður og kýrnar